له‌ شاری ئه‌سته‌نبوڵ ته‌قه‌ كرا و سێ كه‌س كوژران


وێستگه‌ نیوزـ

به‌هۆی دروستبونی شه‌ڕه‌ ته‌قه‌ له‌ ناوه‌ڕاستی شاری ئه‌سته‌نبوڵی توركیا سێ كه‌س كوژران و یه‌كێكی دیكه‌ش بریندار بوو.

جۆین بە لەگەڵ هەواڵە بەپەلەکانی وێستگەنیوز لەتیلیگرام

رۆژنامه‌ی میللیه‌تی چاپی توركیا بڵاویكرده‌وه‌ كه‌ شه‌ڕه‌كه‌ له‌نێوان دوو گروپ له‌ گه‌ڕه‌كی بێ ئۆغڵو له‌ شاری ئه‌سته‌نبوڵ روویداوه‌ و هه‌ردوولا بۆ یه‌كلایی كردنه‌وه‌ی ناكۆكییه‌كانیان په‌نایبان بردووه‌ته‌به‌ر چه‌ك.

ئاماژه‌ی به‌وه‌شداوه‌ كه‌ ئه‌و كه‌سه‌ی بریندار كراوه‌ له‌پێشدا ته‌قه‌ی كردووه‌ و سێ كه‌سی له‌ گروپه‌كه‌ی دیكه‌ كوشتووه‌، پاشان ته‌قه‌ی لێكراوه‌ و فیشه‌كێك به‌ قاچییه‌وه‌ نراوه‌ و بریندار كراوه‌.

پۆلیسی ئه‌سته‌نبوڵ گه‌یشتوه‌ته‌ شوێنی روداوه‌ و دوای هێوركردنه‌وه‌ی دۆخه‌كه‌ برینداره‌كه‌ی ده‌ستگیر كردوه‌.


PM:09:25:27/07/2021


ئه‌م بابه‌ته 1400 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت