تەندروستی سلێمانی 5 رێنمایی سەبارەت بە دەلتا کۆرۆنا بڵاودەکاتەوە
وێستگەنیوز-
بەڕێوەبەرایەتی گشتی تەندروستی سلێمانی رایگەیاند، لەئێستادا ئامارەکانی توشبوون بەکۆرۆنا و جۆری نوێی پەتاکە کە ناسراوە بە دەلتا زیادیانکردووە، بۆیە داوا لەهاوڵاتیان بەردەوامن بن لەبەکارهێنانی ڤاکسین، بەستنی ماسک و دوورکەوتنەوە کۆمەڵایەتی.
بەڕێوەبەرایەتی گشتی تەندروستی سلێمانی لەراگەیەنراوێکدا باسی لەوەشکردوە، بەراورد بە چەند هەفتەی ڕابردوو ئامارەکانی دەلتا کۆرۆنا ڕۆژ بە ڕۆژ ڕوو لە زیادبوون دەکەن، بەپێی پێشبینیەکانی پزیشکان و نەخۆشخانە و سەنتەرەکانی کۆرۆنا تووشبوون بە ڤایرۆسی کۆرۆنا لەداهاتوودا زیاتر بەرز دەبێتەوە.
ئەوەش هاتووە، داوا لە هاوڵاتیانی سنوری پارێزگای سلێمانی و سەنتەری سلێمانی دەکەن پابەندبن بە ڕێکارەکانی خۆپارێزی و ڕێنماییەتەندروستییەکان لەسەرجەم شوێنە گشتییەکانی وەک بازاڕ و مۆڵ و کافتریا و خواردنگەکان و سەیرانگاکاندا بکەن و هەوڵبدەن بەریەککەوتن کەم بکەنەوە.
تەندروستی سلێمانی داوا دەکات هاوڵاتیان ئەم ڕێنماییانە جێبەجێبکەن:
1. بەکارهێنانی ڤاکسین کە لە ئێستادا هەموو جۆرەکانی بەردەستن.
2. بەکارهێنانی دەستکێش و بەستنی ماک.
3.خۆبەدوورگرتن لە تووشبوان و ئەو هاوڵاتیانەی گومانی ئەوەیان لێ دەکرێت هەڵگری ڤایرۆسی کۆرۆنا بن.
4.گرنگیدان بە دەست شتن و پاک و خاوێنی و خواردنی خۆراکی تەندروست و جل و بەرگ.
5.مانەوە لە ماڵەوە و دوورکەوتنەوە لە قەرەباڵغی
PM:08:54:21/07/2021
ئهم بابهته 5328
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت