لە رووداوێک لە ئیسرائیل 44 کەس گیانیان لەدەستدا

‌فۆتۆ: گێتی

وێستگه‌ نیوز ـ
میدیاکانی ئیسرائیل بڵاویانکردەوە، لە بۆنەیەکی ئایینی جولەکەدا لەسەر چیای میرونی باشووری ئیسرائیل، لە ئاکامی قەرەباڵغییەوە، 44 کەس گیانیان لەدەستدا و 150 کەسی دیکەش برینداربوون.


جۆین بە لەگەڵ هەواڵە بەپەلەکانی وێستگە نیوز لە تیلیگرام

رووداوەکە سەر لەبەیانی ئەمڕۆ هەینی لە باشووری ئیسرائیل روویدا، ئەمەش دوای ئەوەی کە هەزاران کەس بەشدارییان لە رێوڕەسمی "گەشتی حەج" ی ساڵانەدا بۆ سەر گۆڕی حاخام  "شەمعون بار یوحای"دا کرد لەسەر چیای میرون.

لەبارەی هۆکاری رووداوەکەشەوە، رۆژنامەی "تایمز ئۆف ئیسرائیل" بڵاوی کردەوە، هۆکاری رووداوەکە بۆ ئامادەبوونی ژمارەیەکی زۆر لە هاوڵاتیان دەگەڕێتەوە لە رێوڕەسمەکەدا، سەرباری ئەمەش ژمارەیەک کەس چوونەتە سەر رێڕەوی دەرگای سەرەکی و ئاستەنگی هاتوچۆیان بۆ بەشداربووان درووستکردووە.

بەگوێرەی زانیارییەکانیش، تا ئێستا سەرباری ئەوەی 44 کەس گیانیان لەدەستداوە، نزیکەی 150 کەسیش برینداربوون، کە ژمارەیەکیان منداڵن.


AM:10:25:30/04/2021








ئه‌م بابه‌ته 952 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت