هەناردەی نەوتی عێراق بۆ ئەمریکا لە ماوەی مانگێکدا بۆ نیوە دابەزیەوە
وێستگەنیوز-
ئیدارەی زانیاریی وزەی ئەمریکا، ڕۆژی سێشەممە ڕایگەیاند کە
هەناردەی نەوتی خاوی عێراق بۆ ویلایەتە یەکگرتووەکان لە ماوەی مانگێکدا نزیکەی نیوە
کەم بووەتەوە.
بەپێی خشتەیەکی ئیدارەکە، عێراق لە مانگی ئازاردا نزیکەی 3.210 ملیۆن بەرمیل نەوتی خاوی بۆ
ئەمریکا هەناردە کردووە، لە کاتێکدا ئەم ژمارەیە لە مانگی پێشتردا 6.488ملیۆن
بەرمیل بووە.
وردەکاریی هەناردەی هەفتانە لە مانگی نیساندا:
بەپێی ڕاپۆرتەکە، تێکڕای هەناردەی ڕۆژانەی عێراق بەم شێوەیە
گۆڕانکاریی بەسەردا هاتووە:
هەفتەی یەکەم: 109 هەزار
بەرمیل.
هەفتەی دووەم: دابەزین بۆ 48 هەزار بەرمیل.
هەفتەی سێیەم: بەرزبوونەوە بۆ 195 هەزار بەرمیل.
هەفتەی چوارەم: دووبارە دابەزینەوە بۆ 76 هەزار بەرمیل.
عێراق لە مانگی ڕابردوودا لە ڕیزبەندی شەشەمی گەورەترین هەناردەکارانی
نەوت بۆ ئەمریکا بووە (لە دوای وڵاتانی کەنەدا، سعودیە، مەکسیک، ڤەنزوێلا و کۆڵۆمبیا).
هەروەها لەسەر ئاستی وڵاتانی عەرەبی، عێراق لە پلەی دووەم دێت
لە دوای سعوودیە کە 9.540 ملیۆن
بەرمیلی هەناردە کردووە، لە کاتێکدا ئەمریکا لەو ماوەیەدا هیچ بڕە نەوتێکی لە لیبیاوە
هاوردە نەکردووە.
PM:02:00:12/05/2026
ئهم بابهته 120
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت