رۆمانی "دەشتەکانی کۆتایی" کەوتە بەر دیدەی خوێنەران
وێستگەنیوز-
"دەشتەکانی
کۆتایی" ڕۆمانی
شاعیرو لێکۆڵەر "ڕامیار مەحموود"ە، کە میدیای "کوردڕاوم"
چاپ و بڵاوی کردووەتەوە.
ئەم چەند رستەو وەشانەی ئێستا بەردەستە، بۆ چاپی
دووەمی ڕۆمانەکەیە، لە بەرئەوەی چاپی یەکەمی ڕۆمانەکە لە لایەن (دەزگای خانی)یەوە برابووە چاپخانە لە
تاران، جەنگی بەسەردا هات و نەگەشتۆتەوە کوردستان.
ڕۆمانەکە لە لایەن دەزگای (مەم وزین)ەوە، کاری
دابەشکردن و بڵاوکردنەوەی ڕێکخراوە لە گەڵ بۆنەی ناساندنی ڕۆمانەکە.
رۆمانی" دەشتەکانی کۆتایی" لە نۆ دەشت
پێکهاتووە و هەر دەشتێکی ئاوەڵایە بە سەر کۆنسپێتکی ناو ڕۆمانەکە، کارەکتەری
سەرەکی ڕۆمانەکە کەسێکی هەڵگری هیچ وەسف و ناوێک نییە لە ناو ڕۆمانەکەدا، تەنها ئەوە نەبێت کتێبخانەوان و
دلیڤەری مانی ماتۆڕە.
ئەم رۆمانە
دەرگیرە لە گەڵ چەندین بابەتی وەک پێکەوەژیانیدوو مرۆڤ و جەنگ و پرسیارە وجودییەکانی مرۆڤ لە سەر ئاین و ژیان و مردن.
ئەوەی شایەنی
باسە نووسەر خاوەنی کۆمڵێک کتێبە وەک شیعر
و لێکۆڵینەوە وەک:
- لەشی ئێمە کاتژمێری زەمەنە- ٢٠٢٠
- دڵ لە
ناو سنگی ئەم جیهانەدا لێ نادات-٢٠١٢"،
- من شەوێکی دڵتەنگم هەیە، کۆبەرهەمی شیعری-٢٠٢١"،
- کارلێکی هزر-
کتێبی لێکۆڵینەوە-٢٠٢٠"،
"بەعسیزم مۆدێرنیزمی چینی ناوەنجی-٢٠٢٥".
ئەوەی شایەنی
باسە ڕۆمانەکە لە سەر هێڵێکی ناڕاستەهێڵیروداو و کارەکتەرەکان لە گەڵ خۆیدا هەڵدەگرێت، بە شێوەیەکی گشتی ئەم ڕۆمانە
وێناکردنی ژیانە لە سەر لێواری مەرگ.
PM:12:02:24/03/2026
ئهم بابهته 268
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت