خۆپارێزی پەتای خوێن بەربوون لە جەژنی قورباندا

وێستگەنیوز-

د. سەرخێڵ ئاراز، پسپۆڕی تەندروستیی گشتی و پەتازانی رێنماییەکانی خۆپارێزی لە پەتای خوێن بەربوون بڵاوکردووەتەوە و دەڵێت، لە جەژنی قورباندا بۆ خۆپارێزی لە پەتای خوێن بەربوون و خۆپارێزی لە تووشبوون بە نەخۆشییەکە باشتروایە پەیرەوی ئەم خاڵانە بکریت:

1- سەربڕینی ئاژەڵ پێویستە لەناو ئەو کوشتارگە فەرمییانە بێت کە رێگە پێدراون و پزیشکی ڤێنتەرنەی سەرپەرشتی دەکات.

2- لەکاتی سەربڕینی ئاژەڵدا و کەوڵکردن و پارچە پارچەکردنی گۆشتەکەیدا پۆشینی جلوبەرگی خۆپارێزیەکانی وەک دەستکێش، سەدریەی پلاستیك، ماسک بەکار بهێنریت.

3- لابردنی پاشماوەی ئاژەڵە سەربڕاوەکان و دانانی کیسی داخراو و فڕێدانی بۆشوێنی تایبەت.

4- پێویستە ئەو چەقۆ و تەختەی پارچەپارچەکردنی تایبەت بێت بەگۆشت و شتن و پاکژکردنەوەی تەختە و چەقۆکان دوای بەکارهێنان.

5- ئەو شوێنەی ئاژەڵەکەی لێ سەردەبڕێت پێویستە بەشێوەیەکی تەندروست پاکبکریتەوە، بەتایبەت ئەو شوێنانەی خوێنی لێیە بە مادەی کلۆریین (بلیچ- موعجیزە) روونکراوە.

6- بەپێی توێژینەوە زانستیەکان باشتر وايە گۆشت دواى سەربڕينى ئاژەڵ بۆماوەى شەش كاتژمێر لە پلەى (1_5) پلەى سەدى هەڵبگيرێت پاشان بەكاربهێنریت.

7- باشترین و تەندروستترین رێگە بۆ خۆپارێزی کۆڵاندنی گۆشت بەشێوەی تا دەگاتە پلەی کوڵان.

8- ئەگەر ئاژەڵ گەنە يان مێرووى ترى هەبوو باشتر وايەنەكڕدرێت يان سەر نەبڕێت بەمەبەستی دووربوون لە نەخۆشى تاى خوێن بەربوون.

AM:08:40:27/05/2025

ئه‌م بابه‌ته 9008 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت