نرخی نەوت دابەزینێکی نوێی تۆمارکرد
وێستگەنیوز-
نرخی نەوت لە
بازاڕەکانی جیهاندا دابەزینێکی نوێی تۆمارکرد، ئەمەش لە کاتێکدایە وەبەرهێنەران بە
وردییەوە چاودێریی لێکەوتەی هەڵبژاردنەکانی نیوەی خولی کۆنگرێسی ئەمریکا، وە دۆڕانی
پارتی کۆمارییەکان و ئاسۆی دیپلۆماسیی جەنگەکانی ناوچەکە دەکەن.
لە دوا
مامەڵەکاندا، نرخی بەرمیلێک نەوتی خاوی برێنت سێ دۆلار 70 سەنت دابەزی و گەیشتە 100 دۆلار و 50 سەنت، هاوکات نەوتی خاوی رۆژئاوای تەکساسی ئەمریکیش
دوو دۆلار و 90 سەنت دابەزی و رووی لە دابەزین کرد و گەیشتە 93 دۆلار و 19 سەنت بۆ هەر بەرمیلێک.
ئەم
دابەزینە نوێیە لە کاتێکدایە کە چاوی وەبەرهێنەران لەسەر چارەنووسی جەنگی ئەمریکا
و ئیسرائیل دژی ئێرانە، بەتایبەت دوای دۆڕانی پارتی کۆمارییەکانی سەر بە دۆناڵد
ترەمپ لە هەڵبژاردنەکاندا، سەرەڕای ئەوەی کۆگا نەوتییەکانی ئەمریکا زیاتر لەوەی
پێشبینی دەکرا کەمبوونەتەوە و لە دانیشتنی پێشتریشدا نرخەکان لە نزمترین ئاستی
چوار هەفتەی رابردوودا بوون، بەڵام هاوکات بوونی هەوڵەکان بۆ کۆتاییهێنان بە
جەنگەکانی ئۆکرانیا و ئێران کاریگەری لەسەر ئاڕاستەی بازاڕی وزە دروست کردووە.
PM:06:05:04/11/2026
ئه‌م بابه‌ته 192
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت