دۆناڵد ترەمپ: لە قۆناغێکی چارەنووسسازین لە شەڕی ئێران و بڕیارێکی گەورەم لەپێشە

وێستگەنیوز-

دۆناڵد ترەمپ، سەرۆکی ئەمریکا رایگەیاند، وڵاتەکەی لە قۆناغێکی یەکلاکەرەوە لە شەڕی ئێران نزیک دەبێتەوە و دەشلێت، بڕیارێکی گەورەم لەپێشە لەبارەی پێکدادان لەگەڵ ڕژێمی تاران.

دۆناڵد ترەمپ، سەرۆکی ئەمریکا لە لێدوانێکدا بۆ ماڵپەڕی ئەکسیۆس ئاماژەی بەوە کرد، هەڵوێستی وڵاتەکەی بەرامبەر ئێران لە قۆناغێکی یەکلاکەرەوە و چارەنووسسازدایە، تاوەکو بڕیار لەسەر دەستپێکردنەوەی هێرشە بەرفراوانەکان بدات.

سەرۆکی ئەمریکا ڕایگەیاند: لە ئێستادا لەبەرامبەر بڕیارێکی گەورەدام؛ ئایا دەمەوێت بچمە ناو شەڕەکەوە و ڕژێمی ئێران لەناوببەم یان نا؟ ئەوە بڕیارێکی زۆر گەورەیە.

ترەمپ جەختیشی لەوە کردەوە کە لە هەڵوێست و ڕەفتارەکانی ئەودا هیچ هێڵێکی سوور یان ئاڕاستەیەکی پێشبینیبکراو نییە و وتی: لەگەڵ مندا هەموو شتێک ئەگەری ڕوودانی هەیە.

PM:08:33:17/09/2026

ئه‌م بابه‌ته 124 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت