ئێران هێرشەکانی دەستپێکردەوە و بە درۆن هێرشی کردە سەر بنکەی شێخ عیسا لە بەحرەین
وێستگەنیوز ـ
تاران هێرشەکانی بۆ سەر بنکە سەربازییەکانی ئەمریکا لە ناوچەکە دەستپێکردەوە و سوپای ئێران ڕایگەیاند، بنکەی شێخ عیسا لە بەحرەین بە فڕۆکەی خۆکوژ پێکراوە و بەهۆیەوە سیستەمی کەشتیوانی و مۆلیدەکانی کارەبای بنکەکە لەکارخراون.
ئەمڕۆ پێنجشەممە 30ـی تەمووزی 2026، سوپای ئێران ڕایگەیاند، لە قۆناغی 26ـەمی ئۆپەراسیۆنی ڕەشەبادا، هێرشێکی بەرفراوانیان بە فڕۆکەی بێفڕۆکەوانی خۆکوژ بۆ سەر بنکە و ناوەندە ستراتیژییەکانی ئەمریکا لە وڵاتی بەحرەین ئەنجامداوە.
بەپێی ڕاگەیەندراوێکی سوپای ئێران، لە هێرشەکەدا بنکەی ئاسمانی "شێخ عیسا" کراوەتە ئامانج و فڕۆکە خۆکوژەکان توانیویانە ئەم شوێنانە بپێکن:
مۆلیدەکانی کارەبا و سیستەمی کەشتیوانی بنکەکە.
باڵەخانە ئیدارییەکان و یەکەکانی پاڵپشتی سوپای ئەمریکا.
ناوەندەکانی جێگیربوونی سەربازان و ئامێرە سەربازییەکان.
سوپای ئێران ئاماژەی بەوە کردووە، بنکەی شێخ عیسیەکێکە لە هەستیارترین بنکەکانی ئەمریکا لە کەنداو، کە مەڵبەندی فڕۆکە سیخوڕییەکان و هێلیکۆپتەر و فڕۆکە بێفڕۆکەوانەکانە.
جەختیش کراوەتەوە کە ئەم هێرشانە لە چەند ڕۆژی ڕابردوودا بەردەوام بوون و زیانی گەورەیان بە توانا جەنگییەکانی هێزە دەستدرێژکارەکان گەیاندووە.
ئەم پەرەسەندنە سەربازییە لە چوارچێوەی توندبوونەوەی گرژییەکانی نێوان تاران و واشنتۆن دێت لە ناوچەی کەنداو، کە لە ماوەی ڕابردوودا زنجیرەیەک هێرش و ئاڵوگۆڕی پەیامی توندی سەربازی لە نێوانیاندا ڕوویداوە.
PM:10:22:30/07/2026
ئهم بابهته 284
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت