سەبارەت بە یاری سکوشی هۆشداری دەدرێتە دایکان و باوکان

وێستگەنیوز -

دەسەڵاتدارانی بەریتانیا هۆشدارییەکی بەپەلە دەدەنە دایک و باوکان لەبارەی کڕینی یارییە لاستیکییەکانی وەک سکوشی، دوای ئەوەی دەرکەوتووە بەشێک لەو یارییانەی لە بازاڕەکاندان تەقلیدن و ماددەی ژەهراوییان تێدایە.

دەسەڵاتدارانی بەریتانیا هۆشدارییەکی توند دەدەنە دایک و باوکان لەبارەی کڕینی یارییە لاستیکییەکان کە بە سکوشی ناسراون، ئەمەش دوای ئەوەی لە شاری ڕیدینگ دەست بەسەر زیاتر لە 320 دانەدا گیرا کە گومانی پێشێلکردنی بنەماکانی سەلامەتییان لێ دەکرێت.

تیمەکانی پشکنین دوای هەستکردن بە بۆنێکی کیمیایی زۆر توند لەو یارییانە، بەتایبەت جۆری سکوشی دامپلینگ، هەڵمەتێکی فراوانیان دەستپێکرد و دەرکەوت ئەو یارییانە وەشانی تەقلیدی براندە جیهانییەکانی وەک (NeeDoh) بوون و هیچ نیشانەیەکی فەرمیی سەلامەتییان پێوە نەبووە.

ئەم یارییە نایاساییانە چەندین مەترسیی تەندروستییان هەیە کە گرنگترینیان بوونی ماددەی ژەهراوی و مەترسی خنکانە، لەگەڵ کاریگەری خراپ لەسەر هۆرمۆنەکانی جەستەی منداڵ و هاندانی ڕەفتاری نەشیاو.

لایەنە پەیوەندیدارەکان داوا لە دایک و باوکان دەکەن تەنها لە شوێنی جێگەی متمانە یاری بکڕن و دووربکەونەوە لەو یارییانەی بۆنی توندی کیمیایییان لێ دێت، هەروەها جەخت دەکەنەوە کە هەر یارییەک شلەی لێ هاتە دەر یان قڵیشا، دەبێت دەستبەجێ فڕێ بدرێت و بە هیچ شێوەیەکیش گەرم نەکرێن یان نەخرێنە ناو مایکڕۆوەیڤەوە.

PM:05:08:30/07/2026

ئه‌م بابه‌ته 252 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت