جەی دی ڤانس: ئەگەر نیازپاکی هەبێت گفتوگۆکان لەگەڵ ئێران ئەنجامیان دەبێت

وێستگەنیوز-

ئەمڕۆ یەکشەممە 21ی حوزەیرانی 2026، جەی دی ڤانس، جێگری سەرۆکی ئەمریکا لە چوارچێوەی دانوستان لەگەڵ ئێران بە نێوەندگیری قەتەر و پاکستان رایگەیاند، "ئەوەی ئێمەی گەیاند بەوەی ئەمڕۆ لیرەین سەرکردایەتی کردنەکەی دۆناڵد ترەمپە".

ئاماژەی بەوەکرد، "ئەگەر نیازپاکی هەبێت گفتوگۆکان ئەنجامیان دەبێت و لە چەند کاتژمێری رابردوودا بەرەوپێشچوونی زۆر باشمان هەبووە".

جێگری سەرۆکی ئەمریکا باسی لە گەرووی هورمز کرد و وتی، "گەرووی هورمزمان کردەوە و هەنگاوی دیکەشمان دەبێت".

وتیشی، "سەرۆک ترەمپ پابەندە بە ئاگربەستێکی هەمەلایەنە لە ناوچەکەدا، ئەمریکا دەیەوێت ئاشتی لەنێوان ئێران و وڵاتانی ناوچەکە هەبێت".

ڤانس باسی لەوەشکرد، "دەمانەوێت گرژییەکان لە رۆژهەڵاتی ناوەڕاست کەم بکەینەوە".

جەختی لەوەشکردەوە، "ئێستا ئایندەیەکی هاوبەش دەبینین کە تێیدا هەمووان بتوانن کاربکەن بۆ بەرەوپێشبردنی ئاشتی و خۆشگوزەرانی".

PM:04:03:21/06/2026

ئه‌م بابه‌ته 148 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت