دەستەی ئاماری سعودیە: ژمارەی حاجییانی ئەم وەرزە گەیشتووەتە یەک ملیۆن و 707 هەزار و 301 حاجی

وێستگەنیوز-

ئەمڕۆ شەممە 30ی ئایاری 2026، سعود بن مەشعەل بن عەبدولعەزیز، جێگری میری ناوچەی مەککە و جێگری سەرۆکی لیژنەی هەمیشەیی حەج و عومرە سەرکەوتنی وەرزی حەجی 1447ی کۆچی رایگەیاند.

جێگری میری ناوچەی مەککە رایگەیاند، "وەرزی حەجی ئەمساڵ وێنەی نیشتمانێکی نیشاندا بە دڵسۆزی و خۆبەخشییەوە کار بۆ خزمەتکردنی میوانانی خودا دەکات".

روونیشی کردەوە، "شوێنە پیرۆزەکان بە شێوەیەکی رێکخراو و گونجاو دەرکەوتن لە دیمەنێکدا یەکگرتنی هەوڵەکانی نێوان لایەنە جیاوازە بەشداربووەکانی حەجی نیشان دا".

بەپێی ئامارەکانی دەستەی ئاماری سعودیە، ژمارەی حاجییانی ئەم وەرزە گەیشتووەتە یەک ملیۆن و 707 هەزار و 301 حاجی، لەو ژمارەیەش نزیکەی 1,546,655 حاجییان لە دەرەوەی سعودیە و لە رێگەی دەروازە جیاوازەکانەوە هاتبوون بۆ بەجێهێنانی فەریزەی حەج.

PM:04:13:30/05/2026

ئه‌م بابه‌ته 20 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت