چین: گەمارۆ ئابورییەکانی ئەمریکا تاکلایەنەیە و رەتیدەکەینەوە
وێستگەنیوز-
وەزارەتی بازرگانیی چین ڕایگەیاند
کە سزاکانی ئەمریکا بۆ سەر پێنج کۆمپانیای پێترۆکیمیایی و پاڵاوگەی وڵاتەکەی، بە تۆمەتی
کڕینی نەوتی ئێران رەتدەکاتەوە و جەختی کردەوە کە حکومەتی پەکین دان بە سزاکانی ئەمریکادا
نانێت کە بە شێوەیەکی تاکلایەنە سەپێنراون.
پێشتر ویلایەتە یەکگرتووەکانی
ئەمریکا هەریەک لە کۆمپانیاکانی (هێنگلی، شوگوانگ لوچینگ شاندۆنگ، جینچینگ شاندۆنگ،
شینهای هێبێ و شێنگشینگ)ی بەهۆی کڕینی نەوتی ئێرانەوە خستووەتە لیستی سزاکانەوە.
لەمبارەوە وتەبێژی وەزارەتی بازرگانیی چین ڕایگەیاند،
"هەنگاوەکانی ئەمریکا بە شێوەیەکی نادروست چالاکییە ئاساییە ئابووری و
بازرگانییەکانی نێوان کۆمپانیا چینییەکان و وڵاتانی سێیەم، هاوڵاتییان یان ڕێکخراوەکانی
تر سنووردار یان قەدەغە دەکات؛ ئەمەش دەبێتە هۆی پێشێلکردنی یاسا نێودەوڵەتییەکان
و بنەما بنەڕەتییەکانی پەیوەندییە نێودەوڵەتییەکان."
چین بە تاقە کڕیاری نەوتی ئێران
و گەورەترین کڕیاری بەرهەمە نەوتی و پێترۆکیمیاییەکانی ئێران ئەژمار دەکرێت.
PM:01:43:03/05/2026
ئهم بابهته 96
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت