ئەمینداری (IMO): مەترسی لەسەر ژیانی 20 هەزار دەریاوان هەیە
وێستگەنیوز-
ئەرسینیۆ دۆمینگێز، ئەمینداری
گشتیی ڕێکخراوی نێودەوڵەتیی دەریاوانی (IMO) سەر بە نەتەوە یەکگرتووەکان، ڕایگەیاند کە بەهۆی شەڕی سەر
ئێرانەوە، دۆخێکی نائاسایی و مەترسیدار لە کەنداودا دروست بووە.
بەپێی وتەکانی دۆمینگێز،
لە ئێستادا نزیکەی 2000 کەشتی کە 20 هەزار دەریاوانیان لەسەرە، لەناو ئاوەکانی کەنداودا
گەمارۆدراون و ناتوانن لە گەرووی هورمزەوە تێپەڕن.
وتیشی: دۆخی گەرووی
هورمز "کوشندە و نالەبارە" و نیگەرانییەکان لەبارەی کەمبوونەوەی خواردن،
ئاو و سووتەمەنی بۆ دەریاوانەکان لە زیادبووندایە، هەرچەندە وڵاتانی ناوچەکە
هاوکاری پزیشکی و مرۆیی پێشکەش دەکەن.
ئەمینداری گشتیی ڕێکخراوەکە
ئاماژەی بەوەش کرد پلانێک لەگەڵ وڵاتانی ناوچەکە، بەتایبەت ئێران و عومان، لە
ئارادایە بۆ چۆڵکردنی کەشتییەکان. ئەم پرۆسەیە پێویستی بە چەند هەفتەیەک هەیە و مەرجی
سەرەکیش پاککردنەوەی ناوچەکەیە لە مینە دەریاییەکان. دوای نەمانی
مەترسییەکان، پێشبینی دەکرێت ڕۆژانە 130 بۆ 135 کەشتی لە گەرووەکە تێپەڕن و بارودۆخەکە
ئاسایی ببێتەوە.
PM:03:37:17/04/2026
ئهم بابهته 88
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت