وتەبێژی کۆشکی سپی: خولی داهاتووی گفتوگۆکان لە شاری ئیسلام ئاباد بەڕێوەدەچێت
وێستگەنیوز-
دیمیتری پێسکۆڤ، وتەبێژی
سەرۆکایەتی رووسیا، ڕۆژی چوارشەممە ئەو ڕاپۆرتانەی ڕەتکردەوە کە باس لە هاوکاری سەربازی
مۆسکۆ بۆ تاران دەکەن لە میانی شەڕی ئەمریکا و ئیسرائیل دژی ئێران و ڕایگەیاند:
"ئەمە شەڕی ئێمە نییە."
پێسکۆڤ لە چاوپێکەوتنێکدا
لەگەڵ میدیای "ئیندیای تودەی"
(India Today) جەختی کردەوە:
"ڕووسیا لەم شەڕەدا بەشدار نییە، ئەمە شەڕی ئێمە نییە."
ئەم لێدوانانە لە کاتێکدایە
کە هەندێک ڕاپۆرتی میدیایی ئاماژە بۆ ئەوە دەکەن ڕووسیا و چین لەم شەڕەی دواییدا
هاوکاری سەربازی ئێرانیان کردووە. تەنانەت سەرۆکی ئۆکرانیا ڕایگەیاندبوو کە مۆسکۆ
هاوکاری هەواڵگری پێشکەش بە تاران کردووە، لەوانە پێدانی وێنەی مانگە دەستکردەکانی
بنکەکانی ئەمریکا لە ناوچەکەدا.
سەبارەت بە پێشنیازەکەی
ڤلادیمێر پوتین بۆ گواستنەوەی یۆرانیۆمی پیتێنراوی ئێران بۆ ڕووسیا، وتەبێژی کرێملین
ئاشکرای کرد کە ویلایەتە یەکگرتووەکانی ئەمریکا ئەو پێشنیازەی ڕەتکردووەتەوە.
پێسکۆڤ وتی: "سەرۆک
پوتین مێژوویەکی لەمەوپێش ئەم پێشنیازەی خستە ڕوو کە ڕووسیا ئامادەیە یۆرانیۆمە پیتێنراوەکەی
ئێران لە خاکەکەیدا بپارێزێت. ئەمە دەبووە چارەسەرێکی زۆر باش، بەڵام بەداخەوە لایەنی
ئەمریکی ڕەتی کردەوە."
لە کۆتاییدا ئاماژەی بەوەش
کرد کە پوتین هێشتا ئامادەیە بگەڕێتەوە سەر ئەو دەسپێشخەرییە ئەگەر وڵاتانی پەیوەندیدار
داوای بکەن.
PM:09:11:15/04/2026
ئهم بابهته 92
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت