ئێران: بۆ هەر سیناریۆیەک، لەوانە هێرشی زەمینی ئامادەین

وێستگەنیوز-

وتەبێژی وەزارەتی دەرەوەی ئێران رایگەیاند وڵاتەکەی بۆ هەر سیناریۆیەکە خۆی ئامادە کردوە، لەوانە بۆ هێرشی زەمینی.

ئیسماعیل بەقائی، وتەێژی وەزارەتی دەرەوەی کۆماری ئیسلامی لە لیدوانێکدا سەبارەت بە هێرشەکانی ئەمریکا و ئیسرائیل وتی؛ "ئەوان ئەگەر بڕیار بدەن بێنە ناو خاکی ئێرانەوە، وەڵامی ئێمە زۆر گەورەتر لەو شتە دەبێت کە تا ئێستا بینیویانە".

وتیشی؛ "ئەگەر شەڕی زەمینیمان بەسەردا بسەپێنن، لە خۆمان و وڵاتەکەمان بەرگریی دەکەین".

وتەکانی ئیسماعیل بەقائی لەکاتێکدایە کە تا ئێستا بە هەزاران مارێنزی ئەمریکی بە چەندین کەشتی زەبەلاحی فڕۆکەهەڵگر روویان لە رۆژهەڵاتی ناوەڕاست کردوە.

PM:10:45:29/03/2026

ئه‌م بابه‌ته 244 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت