سێنتکۆم ئاماری 23 رۆژەی شەڕی بڵاوکردەوە
وێستگەنیوز-
بە پێی ئامارێکی فەرماندەیی ناوەندیی هێزەکانی ئەمریکا رایگەیاند،
تاوەکوو ئێستا زیاتر لە نۆ هەزار ئامانجیان لە ناو ئێران پێکاوە و زیاتر لە 140 کەشتی
ئەو وڵاتەیان تێکشکاندوە.
فەرماندەیی ناوەندیی هێزەکانی ئەمریکا، سێنتکۆم، لە تۆڕی کۆمەڵایەتیی
ئێکس ئەمڕۆ سێشەممە 24ی ئاداری 2026، ئامارێکی نوێی جەنگی ئێرانی بڵاوکردەوە و
ئاماژیداوە، لەسەر فەرمانی سەرۆکی ویلایەتە یەکگرتووەکان، لە 28ی شوباتی 206 ـەوە،
ئۆپەراسیۆنی "تووڕەیی داستانئاسا"یان لە دژی ئێران دەستپێکردووە و بەردەوام
لە هێرشکردنە سەر ئامانجەکان بە مەبەستی هەڵوەشاندنەوەی دەزگا ئەمنییەکانی ئێران.
بە پێی ئامارەکە لە 23 رۆژی جەنگدا، هێزەکانی ئەمریکا بە چەندین
فڕۆکە جەنگی، هێزی دەریایی و بنکەی مووشەکی زیاتر لە نۆ هەزار هێرشیان بۆ سەر خاکی
ئێران ئەنجامداوە و زیاتر لە نۆ هەزار ئامانجیان پێکاوە، لە نێویاندا زیاتر لە 140
کەشی کۆماری ئیسلامی ئێرانیان تێکشاندووە.
لە بارەی ئەو شوێنانەی لە هێرشەکاندا کردوویانەتە ئامانج، سێنکۆم
نووسیویەتی، جۆرەکانی ئامانج ئەمانە بوون: سەنتەرەکانی فەرماندەیی و
کۆنترۆڵ، باڵەخانەکانی بارەگای سوپای پاسداران، پێگە هەواڵگرییەکانی سوپای
پاسداران، سیستەمەکانی بەرگریی ئاسمانی، بنکەکانی مووشەکی بالیستی، کەشتی و ژێردەریایی
و هێزی دەریایی، سیستەمەکانی بەرگریی ئاسمانی، بنکەکانی مووشەکی دژە کەشتی، تواناکانی
پەیوەندییە سەربازییەکان، کارگەکانی دروستکردنی مووشەکی بالیستی و درۆن، کارگەکانی
بەرهەمهێنانی چەک و کۆگا، دامەزراوەکانی مووشەکی زەوی بۆ ئاسمان، ژێرخانەکانی پشتیوانیی
سەربازیی.
AM:11:16:24/03/2026
ئهم بابهته 236
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت