موجتەبا خامنەیی: کوشتنی لاریجانی بێ وەڵام نامێنێتەوە
وێستگەنیوز-
رێبەری باڵای کۆماری ئیسلامیی ئێران، لە پەیامێکدا کوژرانی عەلی لاریجانی، سکرتێری ئەنجوومەنی باڵای ئاسایشی نیشتمانی بە نیشانەی "قین و رقی دوژمنانی ئیسلام" وەسف کرد و جەختی کردەوە کە ئەم تاوانە بێ وەڵام نامێنێتەوە.
ئەمڕۆ چوارشەممە 18ـی ئاداری 2026، موجتەبا خامنەیی، رێبەری باڵای کۆماری ئیسلامیی ئێران، پەیامێکی سەرەخۆشیی بەبۆنەی کوژرانی عەلی لاریجانی و کوڕەکەی بڵاو کردەوە و تێیدا لاریجانی وەک کەسایەتییەکی "زانا، دووربین، هۆشمەند و خاوەن ئەزموون" لە بوارە جیاوازەکانی سیاسی، سەربازی و ئەمنیدا ناوبرد.
لە بەشێکی دیکەی پەیامەکەیدا، موجتەبا خامنەیی رایگەیاند، "دوژمنانی ئیسلام با بزانن کە رشتنی ئەم خوێنە تەنیا دەبێتە هۆی بەهێزتربوونی کۆماری ئیسلامی، هەر خوێنێکیش باجی خۆی هەیە و بکوژە تاوانبارەکان دەبێت بەم زووانە باجی ئەم جنایەتەیان بدەن."
سێشەممە، 17ـی ئاداری 2026، ئەنجوومەنی باڵای ئاسایشی نیشتمانیی کۆماری ئیسلامیی ئێران لە راگەیەندراوێکدا ئاماژەی دا، کە عەلی لاریجانی، لە میانی هێرشێکی هاوبەشی ئەمریکا و ئیسرائیل کراوەتە ئامانج و کوژراوە.
PM:07:37:18/03/2026
ئهم بابهته 372
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت