دادگای ئەوروپا لە بەرژەوەندیی دەمیرتاش بڕیاریدا
وێستگەنیوز-
دادگای ئەوروپا تانەیەكی توركیای بۆ مانەوەی دەمیرتاش لە زیندان رەتكردەوە و دەڵێت، "بنەماكانی بڕیاری دەستگیركردنی دەمیرتاش كۆنكرێتی نەبووە".
دادگای مافی مرۆڤی ئەوروپا لە راگەیەنراوێكدا بڵاویكردەوە، تانەیەكی توركیای رەتكردەوە كە داوای پێداچوونەوەی بە بڕیاری ئازادكردنی سەڵاحەدین دەمیرتاش، هاوسەرۆكی پێشوتری "هەدەپە" كردبوو.
دادگاكە ئاماژەی بەوەکردووە، بنەماكانی بڕیاری دەستگیركردنی دەمیرتاش كۆنكرێتی نەبووە و هیچ پەیوەندییەك لە نێوان رووداوەكانی 2014 و تۆمەتەكان لە دژی دەمیرتاش نەبووە، دەستگیركردنەكەش دەستوەردانێكی سیاسی بووە.
سەڵاحەدین دەمیرتاشیش لە پەیامێكدا رایگەیاندووە، بڕیارەكەی دادگای ئەوروپا نەك تەنها بۆ ئەو، بەڵكو بۆ 86 ملیۆن هاوڵاتی توركیا گرنگە.
راشیگەیاند، "دەركردنی یاسای برایەتی لە هەموو بابەتێك بەنرخترە و دەبێت دەركردنی یاساكەش ببێتە هۆی بەهێزكردنی ئەو كارە كۆمەڵایەتی و ئابوری و یاساییانەی ئەنجام دەدرێن".
هەروەها دەوڵەت باخچەلی، سەرۆکی پارتی بزووتنەوەی نەتەوەیی (مەهەپە) رایگەیاند، "ئازادکردنی دەمیرتاش مایەی خێر دەبێت بۆ تورکیا".
AM:10:38:04/11/2025
ئه‌م بابه‌ته 216
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت