میدیاكانی ئیسرائیل: ئه‌بو عوبه‌یده به ئامانج گیرا
وێستگه‌نیوز-
ئه‌مڕۆ شه‌ممه وته‌بێژی سوپای ئیسرائیل رایگه‌یاند كه كه‌سایه‌تییه‌كی دیاری بزووتنه‌وه‌ی حه‌ماس له غه‌ززه كراوه‌ته ئامانج، میدیاكانی ئه‌و وڵاته‌ش باس له به ئامانجگرتنی ئه‌بو عوبه‌یده وته‌بێژی باڵی سه‌ربازیی بزووتنه‌وه‌ی حه‌ماس ده‌كه‌ن.
ئه‌فیخای ئه‌دره‌عی وته‌بێژی سوپای ئیسرائیل له پلاتفۆرمی (X) نووسیویه‌تی: "سوپا به فڕۆكه هێرشی كردووه‌ته سه‌ر "كه‌سایه‌تییه‌كی ناوه‌ندی حه‌ماس" له باكووری كه‌رتی غه‌ززه".
هاوكات میدیاكانی ئیسرائیل بڵاویانكرده‌وه، ئامانجی هێرشه‌كه‌ی غه‌ززه، ئه‌بو عوبه‌یده، وته‌بێژی كه‌تائیبی عیزه‌دین قه‌سام، باڵی سه‌ربازیی بزووتنه‌وه‌ی حه‌ماس بووه.
ئاماژه‌شیان به‌وه كردووه كه به‌پێی مه‌زه‌نده‌كان، سه‌دا 95 پێده‌چێت كه ئه‌بو عوبه‌یده كوژرابێت.
PM:09:56:30/08/2025
ئه‌م بابه‌ته 540
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت