هاکان فیدان: تورکیا پەیوەندیی ئابووری و بازرگانی لەگەڵ ئیسرائیل پچڕاندووە

وێستگەنیوز-

وەزیری دەرەوەی تورکیا رایدەگەیەنێت، پەیوەندیی ئابووری و بازرگانی لەگەڵ ئیسرائیل پچڕاندووە، ئاماژە بەوەشدەکات، ئەگەر رێگە بە هێرشە بێباکەکانی ئیسرائیل بدرێ، ئەوا تەواوی ناوچەکە ئاگر تێبەردەدات.

ئەمڕۆ هەینی 29ی ئابی 2025، هاکان فیدان، وەزیری دەرەوەی تورکیا لەمیانەی وتارێکدا لە کۆبوونەوەی نائاسایی پەرلەمانی وڵاتەکەی رایگەیاند، "ئەگەر رێگە بە ئیسرائیل بدرێت بەردەوام بێت لە هێرشە بێباکانەکانی لە فەلەستین و بەتایبەتی غەززە، ئەمە نەک تەنها کاریگەری لەسەر فەلەستینییەکان دەبێت، بەڵکو بڵێسەی ئاگر هەموو ناوچەکە دەگرێتەوە".

ئاماژەی بەوەکرد، "تورکیا بە تەواوی پەیوەندییە ئابووری و بازرگانییەکانی لەگەڵ ئیسرائیل پچڕاندووە و ڕێگە نادەین کەشتییە تورکییەکان بچنە بەندەرەکانی ئیسرائیل، رێگەش نادەین فڕۆکەکانیان (ئیسرائیل) بێنە ئاسمانی وڵاتەکەمان".

فیدان جەختی لەوە کردەوە کە دۆخی گشتی غەززە لەرادەبەدەر خراپە و رایگەیاند، "ئیسرائیل رەگەزپەرستترین حکومەتە لە مێژوودا".

باسی لە سوریا کرد و وتی، "ئیسرائیل بە هاندانی پرسە هەستیارەکان لە سوریا، بە روونی نیشانی داوە کە سوریایەکی سەقامگیر و بەهێز و یەکگرتوویی و یەکگرتوویی نیشتمانی بەدەستهێناوە و خاوەنی یەکپارچەیی خاکی بێت، هەرگیز رێگە بە ئیستغلالکردنی پێکهاتە کۆن و بەنرخەکانی سوریا نادەین بۆ ئەم مەبەستە".

PM:06:59:29/08/2025

ئه‌م بابه‌ته 468 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت