جگە لە ئەمریکا ئەندامانی ئەنجومەنی ئاسایشی نەتەوەیەکگرتووەکان داوای ئاگربەستی خێرا لە غەززە دەکەن

وێستگەنیوز-

هەموو ئەندامانی ئەنجومەنی ئاسایشی نەتەوەیەکگرتووەکان جگە لە ئەمریکا، خوازیارن ئاگربەستی خێرا لە غەززە رابگەیەندرێت.

ئەمڕۆ چوارشەممە 27ی ئابی 2025، ئەندامانی ئەنجومەنی ئاسایشی نەتەوەیەکگرتووەکان جگە لە ئەمریکا بەیاننامەیەکیان بڵاوکردەوە و تیادا، نیگەرانی و ناڕەزایەتی خۆیان دەربڕی لە بەرامبەر ئەو دۆخەی لە غەززە هەیە و متمانەی خۆیان بۆ کارەکانی سیستمی پۆلێنکردنی قۆناغی ئاسایشی خۆراک بۆ غەززه دووپاتکردەوه.

لە بەیاننامەکەدا جەخت لەوەکراوەتەوە، برسێتی لە غەززە دروستکراوی مرۆڤە و یاسای مرۆیی نێودەوڵەتی بەکارهێنانی برسێتی وەک چەک قەدەغە دەکات.

14 ئەندامی ئەنجومەنی ئاسایشی نەتەوەیەکگرتووەکان داوای ئاگربەستی و هەمیشەیی و بێ مەرج لە کەرتی غەززە و ئازادکردنی هەموو ئەو بارمتانەیان کرد کە لەلایەن حەماس و گروپەکانی دیکەوە دەستبەسەرن.

هەروەها لە بەیاننامەکەدا داوای زیادکردنی بەرچاوی هاوکارییەکان لە سەرتاسەری کەرتەکەدا کراوە و ئیسرائیل دەستبەجێ و بێ شەرت هەموو سنووردارکردنی گەیاندنی یارمەتییەکان هەڵبگرێت، هەروەها داوایان لە ئیسرائیل کرد ئۆپەراسیۆنە سەربازییەکانی لە غەززە فراوان نەکات.

PM:10:52:27/08/2025

ئه‌م بابه‌ته 280 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت