چوار رۆژنامەنووس لە ئەنجامی بۆردومانێکی ئیسرائیل کوژران
وێستگەنیوز_
لە ئەنجامی بۆردومانێکی ئیسرائیل بۆ سەر نەخۆشخانەی ناسر لە خان یونس لە باشووری غەززە، 15 کەس کوژران، کە لە نێویاندا چوار رۆژنامەنووس و چەند ئەندامێکی تیمی فریاگوزاریی تێدابووە.
ئەمڕۆ دووشەممە، 25ـی ئابی 2025، لە ئەنجامی بۆردوومانێکی ئیسرائیل بۆ سەر نەخۆشخانەی ناسر لە خان یونس، 15 کەس کوژراون و ئۆتۆمبێلێکی تیمی رۆژنامەنووسانیش کرایە ئامانج.
حوسام میسری، کامێرامانی رۆیتەرز، محەممەد سەلامە، کامێرامانی جەزیرە، مەریەم ئەبو دەقە، کە لەگەڵ ئاژانسی ئیندیپێندنت و عەرەبیە و ئاسۆشیەتدپرێس کاری دەکرد، لەگەڵ مەعاز ئەبو تەها، ڕۆژنامەوانی تۆڕی ئێن بی سی ئەمریکی کەوتنە بەرهێرشی ئاسمانی ئیسرائیل و کوژراون.
لە 7ـی 10ـی 2023 شەڕی نێوان ئیسرائیل و غەززە دەستیپێکرد ماوەی نزیکەی دوو ساڵە بەردەوامە و تاوەکو ئێستا 242 رۆژنامەوان کوژراون.
PM:12:34:25/08/2025
ئه‌م بابه‌ته 456
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت