ترەمپ ئاگربەستی بازرگانی لەگەڵ چین درێژکردەوە

وێستگەنیوز- AFP

دۆناڵد ترەمپ، سەرۆکی ئەمریکا ئاگربەستی بازرگانی لەگەڵ چین بۆ ماوەی 90 رۆژی دیکە درێژکردەوە، ئەوەش تەنها چەند کاتژمێرێک پێش ئەوەی پێناسە نوێیەکان بچنە بواری جێبەجێکردنەوە، ئەمەش گرژییەکانی نێوان دوو گەورەترین ئابووریی جیهانی کەمکردەوە.

دوای ئەوەی ئەمریکا و چین ئەمساڵ باجی زۆریان بەسەر بەرهەمەکانی یەکتردا سەپاند و لە %100یان تێپەڕاند و ئاڵوگۆڕی بازرگانییان تێکدا، هەردوو وڵات لە مانگی ئایاردا رێککەوتن لەسەر کەمکردنەوەی کاتی.

لە چوارچێوەی ئاگربەستی مانگی ئایاردا، باجی نوێی ئەمەریکا لەسەر چین بۆ 30% کەمکرایەوە، هاوکات ئەوانەی چین سەپاندیان بۆ 10% کەمکرایەوە، ئەم ڕێژانە تا مانگی نۆڤەمبەر، یان تا ئەو کاتەی پێش ئەو بەروارە ڕێککەوتن دەکرێت، لە شوێنی خۆیان دەمێننەوە.

هاوکات لەگەڵ پشتڕاستکردنەوەی درێژکردنەوەی نوێ لەلایەن ترەمپەوە، ئاژانسی هەواڵی شینوای چین بەیاننامەیەکی هاوبەشی سەبارەت بە دانوستانەکانی ئەمریکا و چین لە ستۆکهۆڵم بڵاوکردەوە و تیایدا ئاماژەی بەوەدا کە پەکینیش لایەنی خۆی لە ئاگربەستەکە درێژدەکاتەوە.

AM:11:37:12/08/2025

ئه‌م بابه‌ته 140 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت