شەڕ لەنێوان گروپە چەکدارەکان و ئاسایشی گشتی لە سوەیدای سووریا هەڵگیرسایەوە
وێستگەنیوز_
ئەمڕۆ یەکشەممە، 3ـی ئابی 2025، شەڕ لەنێوان گروپە چەکدارەکان و ئاسایشی گشتی لە پارێزگای سوەیدای سووریا، هەڵگیرسایەوە و بەهۆیەوە دوو کەس کوژران و 7ـی دیکە بریندار بوون.
رامی عەبدولڕەحمان، بەڕێوەبەری روانگەی سووری بۆ مافەکانی مرۆڤ رایگەیاند، ئەمڕۆ لە پارێزگای سوەیدا شەڕ لەنێوان گروپە چەکدارەکان و ئاسایشی گشتی هەڵگیرسایەوە و بەهۆیەوە دوو کەس کوژران و حەوتی دیکە برینداربوون.
هەروەها ئاماژە بەوە کراوە، یەکێک لە کوژراوەکان خەڵکی سوەیدایە و ئەوی دیکەیان کارمەندی ئاسایشی گشتییە.
شەڕەکە لە تەل حەدید لە گوندەوارەکانی رۆژئاوای سوەیدا روویداوە. تەل حەدید ناوچەیەکی بەرزە لە گوندەوارەکانی رۆژئاوای سوەیدا و دەڕوانێتە سەر شارۆچکەی سەعلە و دەوروبەری، هەروەها دەڕوانێتە سەر رێگە سەرەکییەکانی نێوان شاری سوەیدا و دەوروبەری رۆژئاوای، ئەمەش وایکردووە ببێتە خاڵێکی سەرەکی بۆ کۆنترۆڵکردنی ناوچەکانی دەوروبەری.
روانگەی سووری پێشتر رایگەیاندبوو، ژمارەی کوژراوان لە بەیانیی رۆژی 13ـی تەمووزەوە، بەهۆی پێکدادانەکان و بۆردوومانەکانی ئیسرائیلەوە، گەیشتووەتە 1492 کوژراو.
PM:02:57:03/08/2025
ئه‌م بابه‌ته 476
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت