سه‌رۆك وه‌زیرانی ئیتالیا كاتی داننان به ده‌وڵه‌تی فه‌له‌ستینی راگه‌یاند
جۆرجیا میلۆنی سه‌رۆك وه‌زیرانی ئیتاڵیا
وێستگه‌نیوز-
ئه‌مڕۆ شه‌ممه جۆرجیا میلۆنی، سه‌رۆك وه‌زیرانی ئیتاڵیا رایگه‌یاند كه داننان به دۆخی فه‌له‌ستین پێش دامه‌زراندنی ره‌نگه ئه‌نجامی نه‌رێنی لێبكه‌وێته‌وه، دەشڵێت: "دوای دامه‌زراندنی، دان به ده‌وڵه‌تی فه‌له‌ستیندا ده‌نێم".
جۆرجیا میلۆنی له راگه‌یه‌ندراوێكدا بۆ رۆژنامه‌ی "لا ڕیپۆبلیكا"ی ئیتاڵی ده‌ڵێت: "به توندی پشتگیری له (دامه‌زراندنی) ده‌وڵه‌تی فه‌له‌ستین ده‌كه‌م، به‌ڵام پشتگیری له دانپێدانانی ئه‌و ده‌وڵه‌ته ناكه‌م پێش دامه‌زراندنی... ئه‌گه‌ر شتێك كه بوونی نییه له‌سه‌ر كاغه‌ز دانی پێدانرا، ره‌نگه وا ده‌ركه‌وێت كه كێشه‌كه چاره‌سه‌ر كراوه، به‌ڵام له واقیعداچاره‌سه‌ر نه‌كراوه".
بڕیاری فه‌ره‌نسا بۆ دانپێدانانی ده‌وڵه‌تی فه‌له‌ستین له كۆبوونه‌وه‌ی گشتی نه‌ته‌وه یه‌كگرتووه‌كان له مانگی ئه‌یلولی داهاتوودا دژایه‌تی ئیسرائیل و ئه‌مریكای لێكه‌وته‌وه و له‌كاتێكدا بوو كه شه‌ڕ له نێوان ئیسرائیل و حه‌ماس له كه‌رتی غه‌ززه به‌رده‌وامه.
دوێنێ (هه‌ینی) ئه‌نتۆنیۆ تایانی وه‌زیری ده‌ره‌وه‌ی ئیتاڵیا رایگه‌یاند كه پێویسته دانپێدانان به ده‌وڵه‌تێكی فه‌له‌ستینی هاوكات بێت له‌گه‌ڵ دانپێدانانی ئه‌و ده‌وڵه‌ته نوێیه به ئیسرائیلدا.
هه‌ر دوێنی وته‌بێژێك به‌ناوی حكومه‌تی ئه‌ڵمانیا رایگه‌یاند كه به‌رلین نیازی نییه دان به ده‌وڵه‌تێكی فه‌له‌ستینیدا بنێت له ماوه‌یه‌كی نزیكدا و له ئێستاشدا ئه‌وله‌ویه‌تی ئه‌و وڵاته گه‌یشتن به "چاره‌سه‌ری دوو ده‌وڵه‌ت"ه.
PM:03:37:26/07/2025
ئه‌م بابه‌ته 408
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت