میدیای سووریا: هەوڵی کوشتنی ئەحمەد شەرع دوورە لە ڕاستییەوە
وێستگەنیوز_
دەسەڵاتدارانی سووریا ڕەتی دەکەنەوە هەوڵی کوشتنی ئەحمەد شەرع، سەرۆکی سووریا درابێت.
ئەمڕۆ یەکشەممە، 29ـی حوزەیرانی 2025، سەرچاوەیەک لە وەزارەتی ڕاگەیاندنی سووریا بە ئاژانسی هەواڵی 'سانا'ـی وڵاتەکەی ڕاگەیاندووە، "ئەو هەواڵەی لە میدیدکان بڵاو کراوەتەوە کە گوایە سوپای سووریا و هەواڵگریی تورکیا هەوڵێکی کوشتنی ئەحمەد شەرع'ـیان لەکاتی سەردانیدا بۆ دەرعا پوچەڵ کردووەتەوە، ڕاست نییە."
چەند میدیایەک بڵاویان کردەوە گوایە لەکاتی سەردانەکەی ئەحمەد شەرع بۆ دەرعا، هەوڵی کوشتنی دراوە، بەڵام سوپای سووریا و هەواڵگریی تورکیا هەوڵەکەیان پوچەڵ کردووەتەوە.
ئەو هەواڵەی بە 'ناڕاست' ناوبراوە باسی لەوەش کردبوو، "هەوڵی کوشتنی سەرۆکی سووریا، لەلایەن شانەیەکی سەر بە ڕێکخراوی داعش بووە".
PM:02:30:29/06/2025
ئه‌م بابه‌ته 296
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت