لیژنەی دارایی پەرلەمانی عێراق تاوتوێی خشتەکانی بودجەی 2027 دەکات

وێستگەنیوز-

لیژنەی دارایی لە پەرلەمانی عێراق ئەمڕۆ دووشەممە لەگەڵ میلاد زیاد، بەڕێوەبەری گشتیی فەرمانگەی بودجە لە وەزارەتی دارایی کۆبووەوە، بۆ تاوتوێکردنی خشتە و وردەکارییەکانی پڕۆژەیاسای بودجەی 2027.

لە کۆبوونەوەکەدا شێوازی داڕشتنی خشتەکانی بودجەی 2027 لە هەردوو سێکتەری کارگێڕی و وەبەرهێناندا خرایەڕوو، هاوکات بەراوردی جیاوازییەکانی بەراورد بە بودجەی ساڵانی رابردوو کرا.

لیژنەی دارایی چەندین پرسیاری ئاڕاستەی نوێنەرانی وەزارەتی دارایی کرد لەبارەی بڕی داهاتە نەوتی و نانەوتییەکان، خەرجییە گشتییەکان، دیاریکردنی رێژەی کورتهێنانی بودجە و چۆنیەتیی پڕکردنەوەی، لەگەڵ تەرخانکردنی قەرزی نوێ بۆ پڕۆژەکان.

لە بەرامبەردا، بەڕێوەبەری فەرمانگەی بودجە رایگەیاند، کار بە سیستمی نوێی بودجە دەکرێت بەمەبەستی بەکارهێنانی دروستی پارە و رێگریکردن لە بەفیڕۆدان، و ئاماژەی بەوەش کرد، چەندین خولی مەشق و راهێنانیان بۆ جێبەجێکردنی ئەم سیستمە لە دامەزراوەکاندا ئەنجامداوە.

PM:05:42:26/10/2026

ئه‌م بابه‌ته 516 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت