شارەزایەکی ئابووری بۆ وێستگەنیوز: لە هەڵمەتی دژ بە گەندەڵی لە عێراق نزیكەی 2 ملیار دۆلار دەستی بەسەردا گیراوە
وێستگهنیوز – محەمەد فاتيح
مامۆستایەكی زانكۆ كە وانەی بە عەلی زەیدی، سەرۆك وەزیرانی عێراق وتووەتەوە و شارەزایی ئابووریشە ئاشكرای كردووە، لە هەڵمەتی دژ بە گەندەڵی تائێستا نزیکەی 2 ملیار دۆلار دەستی بەسەردا گیراوە.
ئەمڕۆ سێشەممە 30ی حوزەیرانی 2026، دكتۆر عەبدولڕەحمان مەشهەدانی، مامۆستای زانكۆ و شارەزا لە بواری ئابووری عێراق بە وێستگەنیوزی وت، "عێراق بەهۆی گەندەڵییەوە تاوەكو ئێستا لە نێوان 700 بۆ 800 ملیار دۆلار زیانی پێگەیشتووە".
وتیشی، "لە هەڵمەتی دژی گەندەڵی 20 كەسایەتی دەستگیركراون و دەستگیراوە بەسەر نزیكەی لە نێوان یەك ملیار دۆلار بۆ دوو ملیار دۆلار كە دەگەڕێتەوە بۆ دەستگیركراوەكان و ئەمەش سەرچاوەیەكی گرنگە و ڕەنگە فشاری ئابووری لەسەر عێراق كەمبكاتەوە".
باسی لەوەشكرد، "لێكۆڵینەوەكان بەردەوامن و فەرمانی دەستگیركردن بۆ نزیكەی 20 كەسایەتی دیکە دەرچووە كە پەرلەمانتاریشیان لە نێواندایە و رەنگە یەك ملیاری تریش دەستی بەسەردا بگیرێت و بخرێتەوە سەر بودجەی گشتی دەوڵەتی عێراق".
PM:01:43:30/06/2026
ئهم بابهته 284
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت