بلومبێرگ: عێراق نرخی فرۆشی نەوتەکەی کەمکردەوە
وێستگەنیوز-
ئاژانسی بلومبێرگ ڕایگەیاند
کە عێراق نرخی نەوتی خاوی خۆی بۆ ئەو کڕیارانە کەم دەکاتەوە کە ئامادەن لە گەرووی
هورمزەوە بیگوازنەوە.
بەگوێرەی ئەم ڕاپۆرتە،
عێراق بۆ جۆرە سەرەکییەکەی نەوتی خاوی خۆی کە بە «نەوتی مامناوەندی بەسرە» (Basrah Medium) ناسراوە، داشکاندنێک تا ئاستی ٣٣.٤٠ دۆلار بۆ هەر بەرمیلێک
بەراورد بە نرخە فەرمییەکان پێشکەش دەکات.
ماوەی زیاتر لە دوو
مانگە، گەرووی هورمز بەهۆی هەڕەشەکانی کۆماری ئیسلامی دژی کەشتیڕانی بازرگانی، بە
کردەوە داخراوە.
بلومبێرگ ئەم زانیارییانەی
لەسەر بنەمای ڕاگەیەندراوێکی کۆمپانیای بەبازاڕکردنی نەوتی دەوڵەتی عێراق (سۆمۆ) بڵاوکردووەتەوە.
ئەم بەڵگەنامەیە لە ڕێکەوتی ٣ی ئایاردا ئامادە کراوە و لیستێکی نرخە جیاوازەکان لە
ماوەکانی ئەم مانگەدا لەخۆ دەگرێت.
عێراق ئەندامی ڕێکخراوی
ئۆپێکە؛ ئەو ڕێکخراوەی کە سەرکردایەتییەکەی بە کردەوە لە دەستی سعوودییەدایە و بەم
دواییانە ئیمارات لێی کشایەوە؛ ئەم کشانەوەیەش گورزێکی لە ڕۆڵی ئەو ڕێکخراوە وەشاند
لە ڕێکخستنی نرخە جیهانییەکانی نەوتدا.
PM:03:28:05/05/2026
ئهم بابهته 100
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت