حكومەتی عێراق لەمەودوا زمانی كوردی لە یاسا و بڕیارەكانی كارادەكات
وێستگەنیوز-
ئەندامێكی فراكسیۆنی یەكێتیی نیشتمانیی كوردستان لە ئەنجومەنی نوێنەرانی عێراق 100 ئیمزا بۆ كاركردنی كاراكردنی مادەیەكی دەستووری لەبارەی زمانی كوردی لەنووسراو و بڕیار و یاساكانی عێراق كۆدەكاتەوە تاوەكو لەمەودوا بەزمانی كوردیش بڵاوبكرێنەوە.
پۆڵا سیروان دێڕەشەیی، ئەندامی ئەنجومەنی نوێنەرانی عێراق لە فراكسیۆنی یەكێتیی نیشتمانیی كوردستان، لەسەرو بەندی ساڵی نوێی كوردی و زمانی دایكدا لەپەرلەمانی عێراق، 100 ئیمزای فراكسیۆنە جیاجیاكانی ئەنجومەنی نوێنەران كۆكردووەتەوە، بۆ كاراكردنی مادەی 4ی دەستووری هەمیشەیی عێراق كەباسی ئەوەدەكات زمانی عەرەبی و كوردی هەردووكیان زمانی فەرمی وڵاتن، كە دەبێت لە یاسا و وتار و نووسراوەكان بەكاربێن و بڵاوبكرێنەوە.
دەشڵێت، "لەسەروبەندی ساڵی نوێی كوردی و ڕۆژانی جلی کوردی و زمانی دایکدا، نزیکەی 100 ئیمزام بۆ کاراکردنی مادەیەکی دەستووری لە دەستووری هەمیشەیی عێراقدا کۆکردەوە، بۆ هەمووان گرنگە کە چەندە خاڵی ناکۆکمان لە سیاسەتی حوکمڕانیدا هەبێت، بەڵام لە خاڵی زمان، خاک و نیشتمانەکەماندا هاوبەش بین".
PM:03:50:18/03/2026
ئهم بابهته 80
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت