"تۆم باراك بەناوی ترمپ-وە هەڕشەی لە سەركردە عێراقییەكان كردووە"

وێستگه‌نیوز –

ئەندامێكی ئەنجومەنی نوێنەرانی عێراق ئاشكرای كردووە، تۆم باراك نێردەی دۆناڵد ترەمپ سەرۆكی ئەمریكا بۆ سوریا پەیامێكی هەڕشە ئامێزی ترەمپ-ی پێبووە بۆ لایەنە عێراقییەكان.

عالیە نوسەیف ئەندامی ئەنجومەنی نوێنەرانی عێراق لە دیدارێكدا لەگەڵ كەناڵی عەهد رایگەیاند، تۆم باراك بە سەركردە عێراقییەكانی وتووە، من پەیمامی ترەمپ-م پێيە و بەناوی ئەوەوە قسەتان لەگەڵ دەكەم.

وتيشى، من وەك نێردراو نەهاتوم بەڵكو پەیامێكی ترەمپ-م پێیە و نابێت كەسێك كاندید بكەن بۆ پۆستێك كە ئەمریكا رەزامەندی لەسەر نەبێت، ئەگەرنا سزاتان بەسەردا دەسەپێنین.

عالیە نوسەیف ئاماژەشیكرد، هەندێك وڵات نایانەوێت نوری مالكی ببێتەوە بە سەرۆك وەزیرانی عێراق و دەیانەوێت عێراق سەقامگیر بێت و دوور بێت لەو پێشهاتانەی لەناوچەكە روودەدات.

باسی لەوەشكرد، تۆم باراك بەسەركردەكانی عێراقی وتووە، ئێمە خۆمان دەستپێكی گۆڕانكاری بووینە لەعێراق و لەوپێناوەدا خۆێنمان رشتووە و دەمانەوێت زۆر بەهێزەوە بگەڕێینەوە بۆ عێراق.

PM:02:53:24/02/2026

ئه‌م بابه‌ته 688 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت