مارک ساڤایا: لەكۆشكی سپی نەخشە رێگایەکمان بۆ قۆناخی داهاتووی عێراق داڕشتووە

وێستگەنیوز-

نێردەی تایبەتی سەرۆکی ئەمریکا بۆ کاروباری عێراق رایدەگەیێنێت، لە کۆشکی سپی زنجیرەیەک کۆبوونەوەی گرنگی لەگەڵ وەزیری جەنگ و بەرپرسی دژەتیرۆری وڵاتەکەی کردووە و نەخشە رێگایەکیان بۆ قۆناخی داهاتووی عێراق داڕشتووە.

مارک ساڤایا، نێردەی تایبەتی ئەمریکا بۆ کاروباری عێراق لە پۆستێکدا لە تۆڕی کۆمەڵایەتیی ئێکس رایگەیاند: " لە کۆشکی سپی کۆبوونەوەیەکی بەرهەمدارم لەگەڵ پێت هێگزس، وەزیری جەنگ و د.سەباستیان گۆرکا، بەڕێوەبەری ئاژانسی رووبەڕووبوونەوەی تیرۆر کرد."

وتيشى، "رێککەوتووين لەسەر ئەوەی ئەو بابەتانەی گفتوگۆیان لەبارەوە کردووە، بکرێنە ئەجێندای سەرەکیی سەردانە چاوەڕوانکراوەکەی بۆ عێراق".

مارک ساڤایا دووپاتیكردەوە " لە عێراق لەگەڵ بڕیاربەدەستە پەیوەندیدارەکاندا کۆدەبمەوە بۆ رووبەڕووبوونەوەی دۆخەکە، لەپێناو بەرژەوەندیی گەلی عێراقدا."

AM:09:24:16/01/2026

ئه‌م بابه‌ته 120 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت