بەشێکی تری پارەی گەنمی جوتیاران خەرجکرا


وێستگەنیوز-

وەزارەتی دارایی عێراق بەشی حەوتەمی پارەی جوتیارانی خەرجکرد و پارەکەی خستووەتە سەر هەژماری وەزارەتی بازرگانی.


ئەمڕۆ دووشەممە 8ی کانونی یەکەمی 2025، وەزارەتی دارایی عێراق رایگەیاند، "دەستمان کردووە بە تەمویلکردنی بەشی حەوتەمی پارەی جوتیاران، بڕی ئەو پارەیەی خەرجکراوە 233 ملیار و 999 ملیۆن و 993 هەزار و 760 دینارە".

ئاماژە بەوەکراوە، "ئەم پارەیە بۆ دانەوەی شایستە داراییەکانی ئەو جوتیارانەیە کە بەرهەمەکانی گەنم و چەڵتوکیان رادەستی سایلۆکان کردووە بۆ وەرزی کشتوکاڵیی 2025".



PM:02:34:08/12/2025


ئه‌م بابه‌ته 72 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت