لە سنوری عێراق دەست بەسەر 240 مۆری ساختەی دەرمانی نەخۆشییە درێژخایەنەكاندا گیرا
وێستگهنیوز -
لە سنوری ترێبیلی نێوان ئەنبار و ئوردن دەست بەسەر نزیكەی 250 مۆری ساختەدا گیراوە كە تایبەتن بە دەرمانی نەخۆشییەكانی شێرپەنجە و دڵ و زەخت.
عەلائەدین قەیسی، وتەبێژی فەرمی دەستەی دەروازە سنورییەكان بە رۆژنامەكانی عێراقی راگەیاند، "كارمەندەكانی دەستەكە بە هاوكاری لەگەڵ ناوەندی گومرگ و لایەنە پەیوەندیدارەكان لە دەروازەی ترێبیل دەستیان گرتووە بەسەر 140 مۆری ساختەدا".
وتیشی، "مۆرەكان ناوی كۆمپانیای دەرمانی بەسەرەوە بووە و بە شۆفێرێك گیراوە كە هیچ بەڵگەیەكی فەرمی پێ نەبووە لە وەزارەتی تەندروستی عێراقەوە".
ئاماژەشیكرد، "مۆرەكان لۆگۆی كۆمپانیا بیانییەكانه و بۆ دەرمانی دروستكراوی ناوخۆیی بەكاردەهێنرێن و ئەمەش رێگا خۆشكەرە بۆ داخڵكردنی دەرمان بەبێ چاودێری".
بەوتەی عەلائەدین قەیسی، "ئەو مۆرە ساختانە مەترسییەكی گەورە لەسەر نەخۆشەكان دروست دەكەن، بە تایبەتی كە مۆرەكان تایبەتە بە دەرمانی نەخۆشییەكانی شێرپەنجە و دڵ و زەخت".
PM:07:01:07/12/2025
ئهم بابهته 312
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت