تەنیا لە ماوەی مانگێكدا عێراق زیاتر لە ملیارێك دۆلار كاڵا و خۆراکى لە توركیا كڕیوە

وێستگەنیوز-

دەستەی ئاماری تورکیا بڵاویكردەوە، تەنیا لە مانگی تشرینی یەکەمدا بڕی هەناردەکردن بۆ عێراق زیاتر لە ملیارێک دۆلار بووە.

دەستەی ئاماری تورکیا لە راگەیەندراوێکدا ئاشكرای كردووە "هەناردەی تورکیا بۆ عێراق لە مانگی تشرینی یەکەم، 23 ملیار و 941 ملیۆن دۆلار بووە، کە بە رێژەی 2% زیادیکردووە، هاوردەکردنیش 31 ملیار و 521 ملیۆن دۆلار بووە، کە بەراورد بە مانگی تشرینی یەکەمی 2024 بە رێژەی 7.2% زیادیکردووە".

ئاماژەشیكرد، "عێراق لەمانگی تشرینی یەکەمدا چوارەم وڵاتی هاوردەکاری کاڵای تورکی بووە و بڕی هەناردەکردن بۆ عێراق زیاتر لە ملیارێک دۆلار بووە".

بەپێی دەستەی ئاماری تورکیا، "ئەڵمانیا یەکەم وڵاتی هاوردەکاری کاڵای تورکیایە و بە بەهای سێ ملیار و سێ ملیۆن دۆلار کاڵای هاوردەکردووە، بەریتانیاش بە بەهای یەک ملیار و 423 ملیۆن دۆلار لەپلەی دووەم دیت و ئەمەریکا بە پلەی سێیەم دێت بە بەهای یەک ملیار و 409 ملیۆن دۆلار، عێراقيش بە بەهای یەک ملیار و 21 ملیۆن دۆلار لە پلەی چوارەمی هاوردەکارانی کاڵای وڵاتەکەیان دێت".

PM:03:27:30/11/2025

ئه‌م بابه‌ته 52 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت