"سەقامگیری كارەبای عێراق پەیوەستە بە پاراستنی كێڵگەی كۆرمۆرەوە"

وێستگەنیوز-

وتەبێژی وەزارەتی كارەبای عێراق رایدەگەیەنێت، كارپێكردنەوەی كێڵگەی كۆرمۆرهەنگاوێكی میحوەرییە بۆ سەقامگیری پێدانی غاز بە وێستگەكانی وزە كە گرێبەستمان لەگەڵ كردون.

ئەحمەد موسا، وتەبێژی وەزارەتی كارەبای عێراق بە رۆژنامەكانی عێراقی راگەیاندووە، "لەكاركەوتنی كێڵگەی كۆرمۆر بووە هۆی لە دەستدانی نزیكەی 1200 میگاوات لە بەرهەمهێنانی وزەی كارەبا لە ناوچەكانی باكوور، لە نێوانیاندا نەینەوا و كەركوك و سەڵاحەدین".

دووپاتیشیكردەوە، "راوەستانی ناردەنی غاز لە كێڵگەی كۆرمۆرەوە راستەوخۆ كاریگەری خستە سەر گرێبەستە وەبەرهێنەرەكانی ئەو وێستگانەی لە هەرێمی كوردستان كاردەكەن و دواكەوتنی وەبەرهێنانی بووە هۆی كەمبوونەوەی پێدانی كارەبای نیشتیمانی لە عێراق".

وەزارەتی كارەبای عێراق باسی لەوەشكرد، "ناوچەی باكور پشتی بە بەرهەمهێنانی غازی كێڵگەی كۆرمۆر بەستووە و پاراستنی كێڵگەكە گرنگە بۆ بەرقەراربوونی سیستمی كارەبا".

AM:11:45:30/11/2025

ئه‌م بابه‌ته 196 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت