ئەندامێكی هاوپەیمانی سیادە: لەماوەی چەند رۆژی داهاتوودا سەرۆكی کاتی خولی شەشەمی پەرلەمانی عێراق هەڵدەبژێرین

وێستگەنیوز-

پێشبینی دەكرێت لە ماوەی چەند رۆژی داهاتوودا ئەنجومەنی سیاسی نیشتیمانی، سەرۆكی ئەنجومەنی نوێنەرانی عێراق هەڵبژێرێت، تاوەكو ئامادەی یەكەم دانیشتنی پەرلەمان ببێت.

عەمار عەزاوی، ئەندامی هاوپەیمانی سیادە بە رۆژنامەی سەباحی راگەیاند، "لەماوەی چەند رۆژی داهاتوودا سەرۆكی کاتی خولی شەشەمی پەرلەمانی عێراق هەڵدەبژێرین".

وتيشى، "كاندیدیان بۆ سەرۆكایەتی پەرلەمان لایەنەكانی دیكەش پەسەندی دەكەن و ئێمە لەبەردەم قۆناغێكی سیاسی گرنگداین كه داهاتوو بنیات دەنێت لەسەر دیدگایەكی روون و واقعی بۆ ئاوەدانكردنەوە".

لەلایەن خۆیەوە میری كازم خێكانی، سەرۆكی لیژنەی عەمیدى كۆلێجەكانی یاسا لە عێراق ئاشكرای كرد، "دەستووری عێراق هیچ كاتێك و مێژووییەكی دیاریكراو دانانێت بۆ بەستنی یەكەم دانیشتنی ئەنجومەنی نوێنەرانی عێراق".

دڵنیاییشیدا، "دەستوور بەستنی یەكەم دانیشتنی پەرلەمانی بەستووەتەوە بە دەرچوونی مەرسومی كۆمارییەوە لەماوەی 15 رۆژدا لەدوای پەسەندكردنی ئەنجامی هەڵبژاردنەكان لەلایەن دادگای فیدڕاڵییەوە".

AM:10:41:30/11/2025

ئه‌م بابه‌ته 28 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت