دانوستانەکانی نێوان عێراق و تورکیا سەبارەت بە رێککەوتنی نەوتی نێوانیان دەستیپێكردەوە

وێستگەنیوز-

لە ئەنقەرەی پایتەختی تورکیا کۆبوونەوەیەک لە نێوان وەزارەتی نەوتی عێراق و وەزارەتی وزە و سامانە سرووشتییەکانی تورکیا بەڕێوەچوو، بۆ تاوتوێکردنی گەیشتن بە رێککەوتنێکی نوێ بەمەبەستی گواستنەوەی نەوتی خاو لە رێگەی هێڵی نێوان عێراق و تورکیاوە.

وەزارەتی نەوتی عێراق لە راگەیەندراوێكدا بڵاویكردەوە، هەر دوو لایەنی عێراق و توركیا دووپاتیان كردووەتەوە كە كەشوهەوای دانوستانەكە ئەرێنی بووە.

ئاماژەشی كردووە، ئەو لێکتێگەیشتنانەی ئەنجامدراوە هەنگاوێکی گرنگ پێكدەهێنێت بەرەو داڕشتنی رێککەوتنێکی نوێ کە هاوبەشی نێوان هەردوو وڵات پتەوتر بکات و بەردەوامیی پرۆسەی گواستنەوە و گەیشتن بە بەرژەوەندییە ستراتیژییە هاوبەشەکان مسۆگەر بکات.

AM:09:37:19/11/2025

ئه‌م بابه‌ته 116 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت