لیژنەی باڵای ئەمنی هەڵبژاردنەكان: رێژەی بەشداری لە دەنگدانی تایبەتدا 80% تێپەڕاندووە

وێستگه‌نیوز –

قەیس محەمەداوی، سەرۆکی لیژنەی باڵای ئەمنی هەڵبژاردنەکان ئاشكرای كردووە، پڕۆسەی دەنگدانی تایبەت بە هەماهەنگی تەواو لەگەڵ کۆمسیۆنی باڵای سەربەخۆی هەڵبژاردنەکان ئەنجام دراوە و رێژەی بەشداریکردن 80%ی تێپەڕاندووە.

ئاماژەی بەوەشکرد، "پرۆسەی هەڵبژاردنی ئەمجارە لە رووی ئەمنی و تەکنیکی و کارگێڕییەوە بە باشترین هەژمار دەكرێت و هێزە ئەمنییەکان بە پیشەیییەکی بەرزەوە ئەرکی خۆیان جێبەجێکردووه".

دووپاتیشیكردووەتەوە، پرۆسەی دەنگدانی تایبەت زۆر بە رێكوپێكی بەڕێوەچوو، بەبێ تۆماركردنی هیچ پێشێلکارییەک و کێشەیەک و رێژەی بەشداریکردنیش 80% تێپەڕاندووە و ئەمەش دەرخەری ئاستی بەرزی هۆشیاری و پابەندبوونی ئەندامانی هێزە ئەمنییەكانە.

PM:08:00:09/11/2025

ئه‌م بابه‌ته 100 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت