لە عێراق نوێژە بە بارانە دەكرێت
وێستگه‌نیوز -
عامر شاكر جەنابی، سەرۆكی دیوانی وەقفی سوننى بە وەكالەت داوایكردووە، رۆژی شەممەی داهاتوو نوێژە بەبارانەیەكی ناوەندی لە هەموو پارێزگاكاندا رێكبخرێت.
دیوانی وەقفی سوننى لە راگەیەندراوێكدا بڵاویكردووەتەوە، بەهۆی دواكەوتنی بارانبارینەوە و نەبوونی ئاوەوە، جەنابی داوای كردووە رۆژی شەممەی داهاتوو نوێژە بەبارانەیەكی ناوەندی لە هەموو پارێزگاكاندا بكرێت.
هۆرەكانی دملجی نێوان واست و دیوانییە رووبەڕووی وشكەساڵییەكی بێ وێنە بوونەتەوە، كە بووەتە هەڕەشە لەسەر بژێوی راوچیان و ژیانی ئاژەڵان لەو ناوچەیە.
چەند شارەزایەكیش لە بواری ژینگە هۆشدارییانداوە، لە كاردانەوە مەترسیدارەكانی نزمبوونەوەی رێژەی بارانبارین، كە بووەتە هۆی نزمبوونەوەی ئاستی ئاو لە رووباری دیجلە و فورات و باشەكشەی رووبەرە كشتوكاڵییەكان.
AM:10:22:04/11/2025
ئه‌م بابه‌ته 168
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت