کۆمیسیۆن 42 کاندیدی نوێی لە لیستی هەڵبژاردنەکانی پەرلەمانی عێراق دوورخستەوە
وێستگەنیوز_
كۆمیسیۆنی باڵای هەڵبژاردنەكانی عیراق رایگەیاند، ژماری ئەو كاندیدانەی لە هەڵبژاردنی خولی شەشەمی ئەنجومەنی نوێنەران دوورخراونەتەوە گەیشتە 627 كەس.
ئەمڕۆ دووشەممە 25ـی ئابی 2025، کۆمیسیۆنی باڵای هەڵبژاردنەکانی عێراق رایگەیاند، لە پرۆسەی پێداچوونەوە بە کاندیدەکانی هەڵبژاردنەکانی داهاتوو، 42 کاندیدی نوێی لە لیستی هەڵبژاردنەکانی پەرلەمانی عێراق دوورخستەوە، بەو هۆکارەی کە شایستەی بوون بە کاندید نەبوون.
سەبارەت بە هۆكاری دورخستنەوەی کۆی ئەو کاندیدانە، كۆمسیۆنی هەڵبژاردنەكان دەڵێت، 290 كاندید بەبڕیاری دەستەی لێپرسینەوە و دادوەری و 106 كاندیدیش بەهۆی هەبوونی پێشینەی تاوانەوە دوور خراونەتەوە.
ئاماژە بەوەشکراوە، 163 كاندیدیش بەهۆی گۆرانكاری لەلیستی كاندیدەكان و 34ـی دیکەش بەهۆی كەموكوڕی لە بڕونامەكانیان دورخراونەتەوە.
پێشتریش عیماد جەمیل، سەرۆكی تیمی راگەیاندنی كۆمسیۆنی هەڵبژاردنەكان ئاشکرای کرد بەپێی رێكارەكان؛ دەبێت تا سەرەتای مانگی تشرینی یەكەم دۆسیەی ئەو كاندیدە دورخراوانە یەكلایی بكرێتەوە.
AM:09:52:25/08/2025
ئه‌م بابه‌ته 292
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت