ناوەڕۆکی کۆبوونەوەکەی نێوان شاندی هەرێم و حکومەتی عێراق ئاشکرا کرا
وێستگەنیوز-
ئەمڕۆ سێشەممە 19ی ئابی 2025، محەمەد عەلی تەمیم، جێگری سەرۆک وەزیران و وەزیری پلاندانانی عێراق لەگەڵ شاندی حکومەتی هەرێمی کوردستان لە بەغدا کۆبوونەوە.
لە راگەیەندراوێکدا وەزارەتی پلاندانانی عێراق رایگەیاند، "لە کۆبوونەوەکەی نێوان شاندی هەرێمی کوردستان و لیژنە وزارییەکەی حکومەتی عێراق باس لە دۆسییەی بەرهەمهێنانی نەوت و هەناردەکردنەوەی نەوتی هەرێم کرا".
ئاماژە بەوەکراوە، "هەر لە کۆبوونەوەکەدا باس لە دۆسییەی داهاتە نانەوتییەکان و مووچەی فەرمانبەرانی هەرێمی کوردستان کرا".
وەزارەتی پلاندانانی عێراق ئەوەشی خستەڕوو، "مەرج و پێداویستییەکانی دەستپێکردنی پرۆسەی بەرهەمهێنان و هەناردەکردنەوەی نەوت لە رێگەی کۆمپانیای بە بازاڕکردنی نەوتی نیشتمانیی عێراق (سۆمۆ) تەواوکراون".
بەپێی راگەیەندراوەکەی وەزارەتی پلاندانانی عێراق بێت گفتوگۆکان بەردەوامی دەبێت تایبەت بە دۆسییەی نەوت و داهاتانی نانەوتی و پرسی مووچەی فەرمانبەرانی هەرێم.
PM:01:13:19/08/2025
ئه‌م بابه‌ته 364
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت