دوایین وتەی وەزیری دارایی عێراق لەبارەی مووچەی فەرمانبەرانی هەرێمەوە

وێستگەنیوز-

وەزیری دارایی عێراق لەبارەی مووچەی فەرمانبەرانی هەرێمەوە دوایین قسەی کرد و دەڵێت، "پشت بە بڕیاری دادگای فیدراڵی دەبەستین".

ئەمڕۆ پێنجشەممە 12ی حوزەیرانی 2025، تەیف سامی، وەزیری دارایی عێراق، لەگەڵ شاندێکی مامۆستایانی پارێزگای سلێمانی و غالب محەممەد عەلی، پەرلەمانتاری پێشووی عێراق کۆبووەوە.

تەیف سامی، وەزیری دارایی عێراق رایگەیاند، "پێویستە بە پشتبەستن بە بڕیاری دادگای فیدراڵی، هەرێمی کوردستان هانبدرێت بۆ پەلەکردن لە بەجێکردن [بەبانکیکردن]ـی مووچە و رادەستکردنی داهاتە نەوتی و نانەوتییەکان، تاوەکو بتوانرێت مووچەکانیان خەرج بکرێت".

بەگوێرەی راگەیێندراوێکی وەزارەتی دارایی عێراق، لە کۆبوونەوەکەدا، پرسی ناردنی مووچەی فەرمانبەرانی هەرێمی کوردستان و دۆخی کەرتی پەروەردە لە پارێزگاکە تاوتوێ کراوە.

PM:06:54:12/06/2025

ئه‌م بابه‌ته 528 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت