لە پارێزگای میسان بەهۆی شەری دوو عەشیرەتەوە کەسێک کوژرا و 10 کەسی دیکەش بریندار بوون
وێستگەنیوز_
بەهۆی ناکۆکی و شەڕی عەشایەرییەوە لە پارێزگای میسان لە باشووری عێراق، کەسێک کوژرا و 10 کەسی دیکەش بریندار بوون.
ئەمڕۆ دووشەممە، 9ـی حوزەیرانی 2025، میدیا عێراقییەکان هەواڵی شەڕێکی عەشایەرییان بەگوێی خەڵکیدا دا و رانگەیاند، "شەڕەکە بە هۆی ناکۆکی نێوان هەردوو عەشیرەتی ئەلسەواد و ئەلخەمیس لە شارۆچکەی ئەلسەلام سەری هەڵدا، لە ئەنجامدا بووەتە هۆی گیانلەدەستدانی کەسێک و برینداربوونی 10 کەسی دیکە".
هاوکات، "لە ئێستادا هێزە ئەمنییەکان ڕێوشوێنی ئەمنییان لە ناوچەکە گرتووەتەبەر و کۆنترۆڵی دەروازەکانی چوون و هاتنی شارۆچکەی ئەلسەلام'ـیان توندتر کردووە، ئەمەش لە چوارچێوەی هەوڵەکانیان بۆ ڕاوەدوونانی ئەو کەسانەی بەشداریی شەڕەکە بوون."
بوونی چەکی قورس و سووک لە دەست هێزە عەشایەر و هۆزەکانی عێراقدا، بووەتە هۆکاری یاساشکێنییەکی ڕوون و ئاشکرا. زۆرکات ئەم هێزانە لەکاتی بوونی کێشەدا، لەبری پەنابردن بۆ دادگاکان، خۆیان بەزمانی چەک کێشەکانیان یەکلا دەکەنەوە و هێندەی دیکە ئاگری ناکۆکییەکانیان بڵێسە دەسەنێت.
AM:08:18:09/06/2025
ئه‌م بابه‌ته 452
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت