کۆمسیۆنی عێراق وادەی تۆمارکردنی لیستی ناوی کاندیدەکانی بۆ هەڵبژاردن دیاریکرد

وێستگەنیوز-

کۆمیسیۆنی باڵای سەربەخۆی هەڵبژاردنەکانی عێراق رایدەگەیەنێت، بۆ ماوەی یەک مانگ دەست بە وەرگرتنی لیستی ناوی کاندیدەکانی هاوپەیمانی و حزب و کاندیدە تاکە کەسییەکان دەکەن.

ئەمڕۆ پێنجشه‌ممه‌ 15ی ئایاری 2025، عیماد جەمیل، سەرۆکی تیمی راگەیاندنی کۆمیسیۆنی باڵای سەربەخۆی هەڵبژاردنەکانی عێراق رایگه‌یاند، "لە 25ی ئایاری 2025، بۆ ماوەی یەک مانگ و تاوه‌كو 24ی حوزه‌یران، دەست بە وەرگرتنی لیستی ناوی کاندیدەکانی هاوپەیمانی و حزب و کاندیدە تاکەکەسییەکان دەکەین".

ئاماژه‌ی به‌وه‌شكرد، "تاوه‌كو ئێستا یه‌ك ملیۆن و 200 هه‌زار كه‌س بایۆمه‌تری هه‌ڵبژاردنیان نوێ كردووه‌ته‌وه‌".

بڕیارە لە رۆژی 11ی تشرینی دووەمی 2025، هەڵبژاردنی پەرلەمانی عێراق بەڕێوەبچێت و کۆمسیۆنی باڵای سەربەخۆی هەڵبژاردنەکانی عێراقیش دەستی بە ئامادەکارییەکان کردووە.

PM:11:00:15/05/2025

ئه‌م بابه‌ته 448 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت