محه‌مه‌د حاجی مه‌حمود: تا ئێستاش له ناوچه دابڕاوه‌كان كورد ده‌رده‌كرێت و ته‌عریب ده‌كرێن
وێستگه‌نیوز –
محه‌مه‌د حاجی مه‌حمود سه‌رۆكی پارتی سۆسیال دیموكراتی كوردستان له بانگه‌شه‌ی حزبه‌كه‌ی له گوڵه‌خانه رایگه‌یاند كه:
*به‌شداریمان له هه‌ڵبژاردنی په‌رله‌مانی عێراق بۆ ئه‌وه‌یه ده‌نگی خه‌ڵكی كوردستان بگاته ئه‌و جێگه‌یه‌ی بڕیاری لێده‌درێت.
*زیاتر له 20 ساڵه له په‌رله‌مانی عێراق به‌شدارین، به‌ڵام تا ئێستا نه‌توانراوه ده‌نگی كورد بگاته هه‌موو دنیا.
*ده‌ستووری عێراق مافی به هه‌موو پێكهاته‌كان داوه، به‌ڵام تا ئێستا مافی خه‌ڵكی كوردستان پێشێل ده‌كرێت.
*تا ئێستاش له ناوچه دابڕاوه‌كان و كه‌ركوك و خانه‌قین تا ده‌گاته سنجار كورد ده‌رده‌كرێت و ته‌عریب ده‌كرێن.
*به‌هه‌زاران عه‌ره‌ب هاتوون له كوردستان خانوو ده‌كڕن و تاپۆی ده‌كه‌ن، چه‌ند ساڵێكی تر ره‌نگه بتوانن لێره به‌شداری هه‌ڵبژاردن بكه‌ن، به‌ڵام كورده‌كانی ناوچه دابڕێنراوه‌كان ده‌رده‌كرێن و ده‌ست به‌سه‌ر ماڵوموڵكیان ده‌گرن.
*زیاتر له 20 ساڵه نوێنه‌رایه‌تی كورد له په‌رله‌مانی عێراق هه‌یه، به‌ڵام تا ئێستا نه‌یانتوانیوه مۆركی كوردایه‌تی له په‌رله‌مانی عێراق ره‌نگ بداته‌وه.
*تا ئێستا خوشك و براكانمان له به‌غدا شه‌رم ده‌كه‌ن به كوردی قسه بكه‌ن و جلی كوردییان له‌به‌ر بێت و باسی كلتوور و مێژووی میلله‌ته‌كه‌یان بكه‌ن.
* بودجه و مووچه‌ی بۆیه راگیراوه تا خه‌ڵكی كوردستان ته‌سلیمیان بێت، به‌ڵام خه‌ڵكی كوردستان ته‌سلیمیان نابێت.
*باشترین چاره‌سه‌ر كۆنفیدراڵییه له عێراقدا.
PM:06:17:05/11/2025
ئه‌م بابه‌ته 116
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت