محه‌مه‌د حاجی مه‌حمود: سودانی خراپترین سه‌رۆك وه‌زیران بووه له دوای سه‌دام حسێنه‌وه
وێستگه‌نیوز -
محه‌مه‌د حاجی مه‌حمود سه‌رۆكی پارتی سۆیالیست دیموكراتی كوردستان کۆبونەوەی لیستی حزبه‌كه‌ی له دهۆک رایگه‌یاند كه:
*حزبی سۆسیالیست رۆڵێكی گه‌وره و كاریگه‌ری هه‌بووه له راپه‌ڕین و پێكهێنانی حكومه‌تی هه‌رێم و په‌رله‌مانی كوردستان.
*له 2014ه‌وه حكومه‌تی عێراق مووچه و بودجه‌ی خه‌ڵكی كوردستان ده‌بڕێت و به هه‌مان عه‌قڵیه‌تی رژێمی پێشوو كارمان له‌گه‌ڵ ده‌كه‌ن.
*ئه‌و كه‌سانه‌ی لێره‌وه فرمێسك بۆ فه‌له‌ستین ده‌ڕێژن، ده‌بێ بڵێن كوردیش هه‌قی ده‌وڵه‌تی هه‌یه.
* خۆڕاگری غه‌زه و حه‌ماس ئیسرائیلی ناچاركرد وتووێژ بكات.
* بۆ ئه‌و هه‌لومه‌رجه‌ی ئێستا كۆنفیدراڵی باشترین چاره‌سه‌ره بۆ پێكه‌وه‌ژیان له عێراق، به‌ڵام ئه‌وه‌ی ئێستا هه‌یه، نه‌كورد، نه شیعه و نه
سوننه ئیسراحه‌ت ده‌كات و هه‌میشه له‌سه‌نگه‌رداین به‌رامبه‌ر یه‌ك.
*ئه‌و سه‌رۆك وه‌زیرانه‌ی ئێستا له به‌غدایه "محه‌مه‌د شیاع سودانی" خراپترین سه‌رۆك وه‌زیران بووه له دوای سه‌دام حسێنه‌وه تا ئێستا.
*20 ساڵه له په‌رله‌مانی عێراقین، نوێنه‌رانی كورد چییان بۆ كورد كردووه؟
*سێ مانگ مووچه‌ی خه‌ڵكی كوردستان نه‌درا، نوێنه‌رانی كورد له په‌رله‌مانی عێراق یه‌ك رۆژ له‌په‌رله‌مان نه‌هاتنه ده‌ره‌وه بڵێن بۆچی مووچه‌ی خه‌ڵكی كوردستان بڕدراوه.
*وڵاتان له میدیاكانه‌وه سه‌یربكه‌ن نازانن كوردێك په‌رله‌مانتاره له به‌غدا، نه جلی كوردیان له‌به‌ردایه و نه به كوردیش قسه ده‌كه‌ن.
PM:01:17:01/11/2025
ئه‌م بابه‌ته 268
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت