ئەمڕۆ دەنگدانی ئەزموونی لە 81 وێستگە لە پارێزگای سلێمانی بەڕێوەچوو

وێستگەنیوز- عومەر ئەحمەد

ئەمڕۆ یەکشەممە 31ی ئابی 2025، لە چوارچێوەی ئامادەکارییەکان بۆ هەڵبژاردنی پەرلەمانی عێراق کە بڕیارە لە 11ی تشرینی دووەمی ئەمساڵ ئەنجام بدرێت دەنگدانی ئەزموونی لە 81 وێستگە لە سلێمانی بەڕێوەچوو.

لەمیانەی کۆنگرەیەکدا ئامانج عەزیز، بەرپرسی ئۆفیسی سلێمانیی کۆمسیۆنی باڵای سەربەخۆی هەڵبژاردنەکانی عێراق رایگەیاند، "ئامانج لەم پرۆسەیە تاقیکردنەوەی سەرجەم ئەو ئامێرانەیە کە لە پرۆسەی دەنگدان بەکاردێت، تائێستا هیچ گرفتێک نەهاتووەتە پێش".

ئاماژەی بەوەشکرد، "زیاتر لە ملیۆنێک و 200 هەزار کەس لە سلێمانی کارتی بایۆمەتریان نوێکردووەتەوە".

ئامانج عەزیز وتی، "لە سلێمانی 506 بنکەی دەنگدانمان دەبێت، هەروەها لە پارێزگای سلێمانی هیچ کورسییەکی کۆتا نییە، بەڵکو سەرجەمیان گشتین".

AM:11:11:31/08/2025

ئه‌م بابه‌ته 192 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت