ئهمڕۆ دووشهممه 25ی ئەیلولی 2023، ژمارەیەکی زۆر لە هاوڵاتییانی شاری هەولێر، لە بەردەم قەڵای شارهكه کۆبونەوە بۆ یادکردنەوەی یادی "ریفراندۆمی سەربەخۆیی" و هاوڵاتییان بە هەڵکردنی ئاڵای کوردستان و خۆشی دەربڕین گوزارشتیان لە دڵخۆشی خۆیان بۆ ئەو یادە دەربڕی.
هەر لە رێورەسەکانی یادی ریفراندۆم لە شاری هەولێر، ئاڵایەکی کوردستان کە درێژییەکەی 240 مەترە و پانییەکەی 40 مەترە، لەلایەن هاوڵاتییانەوە هەڵکرا.
ئهوهش لهكاتێكدایه كه رۆژی 25-9-2017 ریفراندۆم لە هەرێمی كوردستان و شاری كەركوك و ناوچە دابڕاوەكان ئەنجامدرا و بەپێی ئەنجامەكانیش 93%ی دەنگی بەڵێ بوو بۆ سەربەخۆیی، دواتر حكومەت و پەرلەمانی عیراق چەندین بڕیاریان لە دژی هەرێمی كوردستان دەكرد و ئێوارەی رۆژی 29-9-2017 گەشتی نێودەوڵەتی فڕۆكەخانەكانی سلێمانی و هەولێر راگیران.
لە 16ی ئۆكتۆبهری 2017، هێرشی هێزە عیراقییەكان بۆ كەركوك و ناوچە جێناكۆكەكانی هەرێم دهستی پێكرد و هێزهكانی پێشمهرگه لە شاری كهركوك و دوزخورماتوو و داقوق کشانەوە و هێزە عیراقییەکان و حەشدی شەعبی ئهو ناوچانهیان كۆنترۆڵ كردهوه و ئاڵای كوردستانیان لهسهر بینای پارێزگای كهركوك داگرت و ئاڵای عیراقیان له شوێنی ههڵكرد.
دواتر و رۆژی سێشهممه 17ی ئۆكتۆبهری 2017، هێزهكانی پێشمهرگه له مهخمور و گوێر و شهنگال و سنونێ و باشیك و بهنداوی موسڵ كشانهوه و هێزه عیراقییهكان چوونه شوێنیان، هاوكات هێزه عیراقییهكان چوونه ناو خانهقین و جهلهولا و ئاڵای عیراقیان لهو ناوچانهش ههڵكرد.
سهرلهبهیانی رۆژی ههینی 20ی ئۆكتۆبهری 2017، هێزه عیراقییهكان و حهشدی شهعبی چونه ناو شارۆچكهی پردێ كه لهڕووی ئیدارییهوه سهربه پارێزگای كهركوكه و دوا ناوچهی ئهو پارێزگایه بوو كه لهژێر دهسهڵاتی پێشمهرگهدا بوو، بهوشێوهیهش سهرجهم ناوچه كوردستانییه جێناكۆكهكان له دهستی ههرێمی كوردستاندا نهمان و چوونهوه ژێر دهسهڵاتی حكومهتی عیراق.
لهدوای روداوهكانی 16ی ئۆكتۆبهری 2017هوه، بهرپرسانی بهغدا بهچهندین جۆر سزای بهرپرسانی ئیداری و ئهمنیی پێشوی كهركوكیان داوه و له پۆسته ئیدارییهكان لایان بردون و بهرپرسی عهرهب و توركمانیان خستوهته شوێنهكانیان، ئهمه جگهلهوهی چهندین جار فهرمانی دهستگیركردنیان بۆ ههندێك لهو بهرپرسه كوردانه دهركردوه.
ئهمساڵیش دۆسیهی ههناردهی نهوتی ههرێمی كوردستان لهرێگهی توركیاوه به بڕیاری دادگای پاریس خرایهوه دهستی بهغدا و له نوێترین بڕیاریشدا دادگای فیدڕاڵیی عێراق پهرلهمانی ههرێمی كوردستان و ئهنجومهنی پارێزگاكانی ههرێمی ههڵوشاندهوه.
PM:06:39:25/09/2023